ஆம்பூர் கோவில்களில் மகாளய அமாவாசை பித்ரு பூஜை! முன்னோர்களை நினைத்து ஏராளமான பக்தர்கள் வழிபாடு!
ஆம்பூர் கோவில்களில் மகாளய அமாவாசை பித்ரு பூஜை! முன்னோர்களை நினைத்து ஏராளமான பக்தர்கள் வழிபாடு!
அக்.10- திருப்பத்தூர் மாவட்டம் ஆம்பூர் கிருஷ்ணாபுரம் பகுதியில் உள்ள அருள்மிகு சீனிவாச பெருமாள் ஆலயம், காளியம்மன் ஆலயம், பூந்தோட்டம் பெரிய ஆஞ்சநேயர் ஆலயம் உள்ளிட்ட பல்வேறு கோவில்களில் மகாளய அமாவாசையை முன்னிட்டு சிறப்பு பித்ரு பூஜைகள் நடைபெற்றன.
இதில், பக்தர்கள் எள் மற்றும் மாவினால் பிண்டம் வைத்து, தர்ப்பைப் புல், மஞ்சள், குங்குமம் உள்ளிட்ட பொருட்களைக் கொண்டு தங்களது முன்னோர்களுக்கான வழிபாடுகளை மேற்கொண்டனர்.
தொடர்ந்து, பூஜையில் பயன்படுத்தப்பட்ட பிண்டங்களைக் கரைத்து, அதனைச் செடிகளில் ஊற்றி வழிபாட்டை நிறைவு செய்தனர்.
மகாளய அமாவாசையை முன்னிட்டு நடைபெற்ற இந்தப் பித்ரு பூஜையில் ஏராளமான பக்தர்கள் பங்கேற்று, தங்களது முன்னோர்களுக்கு மரியாதை செலுத்தி வழிபட்டனர்.
