திருப்பத்தூர் ஆயுதப்படை காவலர்களின் கவாத்துப் பயிற்சி – எஸ்.பி. நேரில் ஆய்வு!

திருப்பத்தூர் ஆயுதப்படை காவலர்களின் கவாத்துப் பயிற்சி – எஸ்.பி. நேரில் ஆய்வு!

அக். 24- திருப்பத்தூர் மாவட்ட ஆயுதப்படை மைதானத்தில் காவலர்களின் கவாத்துப் பயிற்சி மற்றும் ஆயுதங்களைக் கையாளும் சிறப்புப் பயிற்சியை மாவட்ட காவல் கண்காணிப்பாளர் அக்க்ஷய் அனில் வாகரே நேரில் பார்வையிட்டு ஆய்வு செய்து காவலர்களுக்குத் தேவையான அறிவுரைகளை வழங்கினார்.

தொடர்ந்து, ஆயுதப்படையில் உள்ள ஆயுதக் கிடங்குகளை நேரில் பார்வையிட்டு ஆய்வு மேற்கொண்டார். அப்போது, ஆயுதக் கிடங்குகளில் பாதுகாப்பு நடைமுறைகள் முறையாகப் பின்பற்றுகிறதா என்பதையும், ஆயுதங்கள் மற்றும் பாதுகாப்பு உபகரணங்கள் உரிய முறையில் பராமரிக்கப்படுகின்றதா என்பதையும் ஆய்வு செய்தார்.

மேலும், ஆயுதங்கள் மற்றும் பாதுகாப்பு உபகரணங்களைப் பாதுகாப்பாகவும், முறையாகவும் பராமரிக்க வேண்டும் என சம்பந்தப்பட்ட காவல் அதிகாரிகள் மற்றும் காவலர்களுக்கு அறிவுரைகளை வழங்கினார்.

ஆய்வின்போது, ஆயுதப்படைக் காவல் அதிகாரிகள் மற்றும் காவலர்கள் உடனிருந்தனர்.