உதயேந்திரம் அரசு நிதி உதவி பெறும் பள்ளியில் சமையல் கூடம் அமைக்க வாணியம்பாடி சட்டமன்ற உறுப்பினரிடம் கோரிக்கை மனு.

வாணியம்பாடி, அக்.6- திருப்பத்தூர் மாவட்டம், வாணியம்பாடி அடுத்த உதயேந்திரம் பேரூராட்சி பகுதியில் உள்ள அரசு நிதி உதவி பெறும் புனித அந்தோணியார் உயர்நிலைப் பள்ளியில், தமிழக அரசின் காலை உணவுத் திட்டம் செயல்படுத்தப்பட்டு வருகிறது.

இத்திட்டத்தின் கீழ் மாணவர்களுக்கு உணவு தயாரிக்க போதிய சமையல் கூடம் இல்லாததால், புதிய சமையல் கூடம் அமைத்து தரக்கோரி பள்ளி நிர்வாகத்தினர், வாணியம்பாடி சட்டமன்ற உறுப்பினர் எஸ்.எஸ்.பி. பாரூக் பாஷாவை அவரது இல்லத்தில் சந்தித்து கோரிக்கை மனு அளித்தனர்.

மனுவை பெற்றுக் கொண்ட சட்டமன்ற உறுப்பினர், தனது சட்டமன்ற உறுப்பினர் தொகுதி நிதியில் இருந்து உடனடியாக புதிய சமையல் கூடம் அமைத்து தர நடவடிக்கை எடுக்கப்படும் என உறுதியளித்தார்.

இந்த சந்திப்பின்போது பள்ளியின் தாளாளரும் பங்குத் தந்தையுமான அருட்பணி பி. அந்தோணி மாறன், பேரூராட்சி முன்னாள் தலைவரும் மன்ற உறுப்பினருமான ஆ. செல்வராஜ், பள்ளி தலைமை ஆசிரியர் ஒய். சதீஷ்குமார், ஆசிரியர் ஜான் பால் ஆகியோர் இருந்தனர்.