திருப்பரங்குன்றம் மலை மீது தீபம் ஏற்றக் கோரி ஆம்பூரில் இந்து முன்னணி கண்டன ஆர்ப்பாட்டம்!

திருப்பரங்குன்றம் மலை மீது தீபம் ஏற்றக் கோரி ஆம்பூரில் இந்து முன்னணி கண்டன ஆர்ப்பாட்டம்!

 அக்.11- திருப்பத்தூர் மாவட்டம், ஆம்பூரில் திருப்பரங்குன்றம் மலை மீது கார்த்திகை தீபம் ஏற்றக் கோரி, இந்து முன்னணி சார்பில் இந்து அமைப்பினர் கலந்து கொண்டு கண்டன ஆர்பாடத்தில் ஈடுபட்டனர்.

ஆம்பூர் இந்து முன்னணி நகர செயலாளர் பிரேம்குமார் தலைமையில், நடைபெற்ற ஆர்ப்பாட்டத்தில், திருப்பரங்குன்றம் மலை மீது கார்த்திகை தீபம் ஏற்றுவது தொடர்பான உயர்நீதிமன்ற உத்தரவை முந்தைய திமுக அரசு நிறைவேற்றவில்லை எனக் குற்றம்சாட்டி கண்டன முழக்கங்கள் எழுப்பியும் தற்போதைய தமிழக அரசு நீதிமன்ற உத்தரவை நிறைவேற்றி மலை மீது தீபம் ஏற்ற நடவடிக்கை எடுக்க வேண்டும் என வலியுறுத்தினர்.

இதில், இந்து முன்னணி கோட்டச் செயலாளர்கள் தீனதயாளன், ரவி ஆகியோர் சிறப்பு அழைப்பாளர்களாகக் கலந்து கொண்டு கண்டன உரையாற்றினர். முருக பக்தர்கள் முருகன் வேடமணிந்து ஆர்ப்பாட்டத்தில் ஈடுபட்டனர்.

மேலும், இந்து மக்கள் கட்சி நிர்வாகிகள் ரமேஷ் குமரன், கோபி, பாஜக நிர்வாகி அன்பு, இந்து வியாபாரிகள் நலச் சங்க நிர்வாகி ஜெகன், இந்து இளைஞர் முன்னணி நிர்வாகி பரத் உள்ளிட்ட பல்வேறு அமைப்புகளைச் சேர்ந்த நிர்வாகிகள் மற்றும் தொண்டர்கள் கலந்து கொண்டனர்.

இந்து முன்னணி, இந்து மக்கள் கட்சி, பாஜக, விஜய் பாரத மக்கள் கட்சி உள்ளிட்ட அமைப்புகளைச் சேர்ந்த 200-க்கும் மேற்பட்டோர் பங்கேற்று, திருப்பரங்குன்றம் மலை மீது கார்த்திகை தீபம் ஏற்ற தமிழக அரசு உரிய நடவடிக்கை எடுக்க வேண்டும் என வலியுறுத்தி கண்டன முழக்கங்களை எழுப்பினர்.