ஆம்பூர் அருகே பெண்ணிடம் தகராறு செய்து 2 சவரன் தங்கச் சங்கிலி பறித்த வாலிபர் கைது!
ஆம்பூர் அருகே பெண்ணிடம் தகராறு செய்து 2 சவரன் தங்கச் சங்கிலி பறித்த வாலிபர் கைது!
அக்.21- திருப்பத்தூர் மாவட்டம் ஆம்பூர் அருகே திருமணமான 39 வயது பெண் ஒருவர், மோட்டுக்கொல்லை பகுதியில் உள்ள தனியார் காலணி தொழிற்சாலையில் தொழிலாளியாக பணியாற்றி வந்துள்ளார்.
இவருக்கும், மோட்டுக்கொல்லை பகுதியைச் சேர்ந்த அஸ்வாக் (30) என்பவருக்கும் கடந்த இரண்டு ஆண்டுகளாகப் பழக்கம் இருந்து வந்ததாகக் கூறப்படுகிறது.இந்நிலையில், சில தினங்களாக உடல்நலக் குறைவு காரணமாக தொழிற்சாலையில் அனுமதி மோட்டுக்கொல்லை சாலை வழியாக வீட்டிற்குத் திரும்பிக் கொண்டிருந்தார்.அப்போது, இருசக்கர வாகனத்தில் வந்த அஸ்வாக், அந்தப் பெண்ணை வழிமறித்து, ஏன் தன்னிடம் சரியாகப் பேசுவதில்லை எனக் கேட்டு வாக்குவாதத்தில் ஈடுபட்டுள்ளார்.
வாக்குவாதம் முற்றிய நிலையில், ஆத்திரமடைந்த அஸ்வாக், அந்தப் பெண்ணின் கழுத்தில் அணிந்திருந்த 2 சவரன் தங்கச் சங்கிலியைப் பறித்துக்கொண்டு அங்கிருந்து தப்பிச் சென்றுள்ளார்.இதுகுறித்து பாதிக்கப்பட்ட பெண் அளித்த புகாரின் பேரில், ஆம்பூர் நகர காவல்துறையினர் வழக்குப் பதிவு செய்து விசாரணை மேற்கொண்டனர்.இதனைத் தொடர்ந்து, தலைமறைவாக இருந்த அஸ்வாக்கை காவல்துறையினர் கைது செய்து, நீதிமன்றத்தில் ஆஜர்படுத்தி ஆம்பூர் கிளைச் சிறையில் அடைத்தனர்.இந்தச் சம்பவம் ஆம்பூர் பகுதியில் பெரும் பரபரப்பை ஏற்படுத்தியுள்ளது.
