வாணியம்பாடியில் இசுலாமியா தகவல் மையம் சார்பில் சமூக நல்லிணக்க நிகழ்ச்சி! இறைவனை நோக்கி மனிதனின் பயணம் என்ற தலைப்பில் சிறப்புரை.

வாணியம்பாடியில் இசுலாமியா தகவல் மையம் சார்பில் சமூக நல்லிணக்க நிகழ்ச்சி!

இறைவனை நோக்கி மனிதனின் பயணம் என்ற தலைப்பில் சிறப்புரை.

வாணியம்பாடி, அக்.25- திருப்பத்தூர் மாவட்டம், வாணியம்பாடி நியூடவுன் பைபாஸ் சாலையில் உள்ள பள்ளிவாசல் வளாகத்தில், இசுலாமியா தகவல் மையம் சார்பில் சமூக நல்லிணக்க நிகழ்ச்சி நடைபெற்றது.

நிகழ்ச்சிக்கு மவுலவி முஹம்மத் ஹனீப் தலைமை வகித்தார். இசுலாமியா கல்லூரி பேராசிரியர் முனைவர் அபூபக்கர் சித்திக், நிசார் அஹ்மத் இக்பால், மையத்தின் பொறுப்பாளர் பி. ஷபீக் அஹ்மத் ஆகியோர் முன்னிலை வகித்தனர். முஹம்மத் அலி ஜமாலி அனைவரையும் வரவேற்றார்.நிகழ்ச்சியில் சிறப்பு அழைப்பாளராக இசுலாமியா கல்லூரியின் தமிழ்த்துறை முன்னாள் தலைவர் பேராசிரியர் முனைவர் சிவராஜி கலந்து கொண்டு,இறைவனை நோக்கி மனிதனின் பயணம்” என்ற தலைப்பில் சிறப்புரையாற்றினார்.நிகழ்ச்சியில் ஆண்கள், பெண்கள் என பலர் கலந்து கொண்டனர். முடிவில் இசுலாமியா தகவல் மைய நிர்வாகி அஸ்லம் கான் நன்றி கூறினார்.