வாணியம்பாடியில் வெப்பத்தால் மயங்கி விழுந்த அரிய வகை பாறை ஆந்தை – இயற்கை ஆர்வலர்கள் மீட்டு வனத்துறையிடம் ஒப்படைப்பு!

வாணியம்பாடியில் வெப்பத்தால் மயங்கி விழுந்த அறிய வகை பாறை ஆந்தை – இயற்கை ஆர்வலர்கள் மீட்டு வனத்துறையிடம் ஒப்படைப்பு!

வாணியம்பாடி, அக்.13- திருப்பத்தூர் மாவட்டம் வாணியம்பாடி பைபாஸ் சாலையில் உள்ள இஸ்லாமியா கல்லூரி அருகே, அதிக வெப்பம் காரணமாக பாறை ஆந்தை ஒன்று மயங்கி கீழே விழுந்து கிடந்தது.

இதனைப் பார்த்த இயற்கை ஆர்வலர்கள் வடிவேல் சுப்பிரமணியம், சேதுராமன், லட்சுமணன், ரவீந்திரன் மற்றும் அருள்கணேஷ் ஆகியோர் உடனடியாக ஆந்தையை மீட்டு, தண்ணீர் கொடுத்து பாதுகாப்பாகப் பராமரித்தனர்.

இதனை தொடர்ந்து சம்பவம் குறித்து வாணியம்பாடி வனத்துறையினருக்குத் தகவல் தெரிவித்தனர். தகவலின் பேரில் சம்பவ இடத்திற்கு விரைந்து வந்த வனத்துறையினர், ஆந்தையைப் பெற்றுக்கொண்டு முதலுதவி அளித்து, மீண்டும் வனப்பகுதியில் விடுவதற்கான நடவடிக்கைகளை மேற்கொண்டனர்.

அதிகரித்து வரும் வெப்பத்தால் பறவைகள் உள்ளிட்ட உயிரினங்கள் பாதிக்கப்படும் சூழலில், உரிய நேரத்தில் ஆந்தையை மீட்டு வனத்துறையிடம் ஒப்படைத்த இயற்கை ஆர்வலர்களுக்கு பொதுமக்கள் பாராட்டுகளைத் தெரிவித்தனர்.