திருப்பத்தூர் மாவட்டத்தில் ரூ.5.61 கோடி மதிப்பீட்டில் 8 வளர்ச்சித் திட்டப் பணிகள் – மாவட்ட ஆட்சியர் மற்றும் சட்டமன்ற உறுப்பினர் என். திருப்தி தொடங்கி வைத்தனர்.
திருப்பத்தூர் மாவட்டத்தில் ரூ.5.61 கோடி மதிப்பீட்டில் 8 வளர்ச்சித் திட்டப் பணிகள் – மாவட்ட ஆட்சியர் மற்றும் சட்டமன்ற உறுப்பினர் என். திருப்தி தொடங்கி வைத்தனர்.
வாணியம்பாடி, அக்.15- திருப்பத்தூர் மாவட்டத்தில் ஊரக வளர்ச்சி மற்றும் ஊராட்சித் துறை சார்பில் ரூ.5 கோடியே 61 லட்சம் மதிப்பீட்டில் நிறைவேற்றப்பட்ட 8் வேறு வளர்ச்சித் திட்டப் பணிகளை மாவட்ட ஆட்சியர் வே. நல்லசிவன், மற்றும் திருப்பத்தூர் சட்டமன்ற உறுப்பினர் என்.திருப்தி ஆகியோர் பொதுமக்கள் மற்றும் மாணவர்களின் பயன்பாட்டிற்காகத் திறந்து வைத்தனர்.
இதில், கந்திலி ஒன்றியம் உள்ளிட்ட பல்வேறு ஊராட்சிகளில் காலை உணவுத் திட்டக் கட்டடம், நியாய விலைக் கடைக் கட்டடம், 30 ஆயிரம் லிட்டர் கொள்ளளவு கொண்ட மேல்நிலை நீர்த்தேக்கத் தொட்டி, உயர்மட்டப் பாலம், அங்கன்வாடி மையக் கட்டடம் மற்றும் கூடுதல் வகுப்பறைக் கட்டடங்கள் உள்ளிட்ட பல்வேறு வளர்ச்சிப் பணிகள் திறந்து வைக்கப்பட்டன.
மேலும், காக்கங்கரை ஊராட்சி ஒன்றிய தொடக்கப்பள்ளியில் புதிய வகுப்பறைக் கட்டடத்தையும் திறந்து வைத்து மாணவர்களுக்கு நோட்டுப் புத்தகங்களை வழங்கினர்.நிகழ்ச்சியில் ஊரக வளர்ச்சித் துறை அதிகாரிகள், உள்ளாட்சி பிரதிநிதிகள், ஊராட்சி மன்றத் தலைவர்கள் மற்றும் அரசு அலுவலர்கள் உள்ளிட்டோர் கலந்து கொண்டனர்.
