திருப்பத்தூர் ஒன்றியத்தில் ரூ.1.88 கோடி மதிப்பீட்டில் கட்டப்பட்ட 4 புதிய கட்டடங்கள் – மாவட்ட ஆட்சியர், சட்டமன்ற உறுப்பினர் ஆகியோர் திறந்து வைத்தனர்!

திருப்பத்தூர் ஒன்றியத்தில் ரூ.1.88 கோடி மதிப்பீட்டில் கட்டப்பட்ட 4 புதிய கட்டடங்கள் – மாவட்ட ஆட்சியர், சட்டமன்ற உறுப்பினர் ஆகியோர் திறந்து வைத்தனர்!

அக்.16- திருப்பத்தூர் மாவட்டத்தில், திருப்பத்தூர் ஊராட்சி ஒன்றியம் மற்றும் நகராட்சிப் பகுதிகளில் ஊரக வளர்ச்சி மற்றும் ஊராட்சித் துறை, நகராட்சி நிர்வாகம் உள்ளிட்ட துறைகள் சார்பில், மொத்தம் ரூ.1 கோடியே 88 லட்சத்து 68 ஆயிரம் மதிப்பீட்டில் கட்டப்பட்ட 4 புதிய கட்டடங்களை மாவட்ட ஆட்சியர் வே.நல்லசிவன் மற்றும் திருப்பத்தூர் சட்டமன்ற உறுப்பினர் என். திருப்பதி ஆகியோர் பொதுமக்கள் பயன்பாட்டிற்காக திறந்து வைத்தனர்.

இதில், ஏ.கே.மோட்டூர் ஊராட்சியில் மகாத்மா காந்தி தேசிய ஊரக வேலை உறுதித் திட்டத்தின் கீழ் ரூ.29.70 லட்சம் மதிப்பீட்டில் கட்டப்பட்ட ஊராட்சி மன்ற அலுவலகம், கொரட்டி நாயனூர் ஊராட்சியில் அனைத்து கிராம அண்ணா மறுமலர்ச்சித் திட்டம் 2-ன் கீழ் ரூ.34.50 லட்சம் மதிப்பீட்டில் கட்டப்பட்ட ஊராட்சி மன்ற அலுவலகம், திருப்பத்தூர் நகராட்சியின் 17-வது வார்டில் ரூ.75 லட்சம் மதிப்பீட்டில் கட்டப்பட்ட நகர்ப்புற சுகாதார நிலையம் உள்ளிட்ட கட்டடங்கள் திறந்து வைக்கப்பட்டன.

மேலும், ஊரகப் பகுதிகளில் பொதுமக்களுக்குத் தேவையான அடிப்படை வசதிகளை மேம்படுத்தும் நோக்கில் பல்வேறு வளர்ச்சிப் பணிகள் மேற்கொள்ளப்பட்டு வருகின்றன.தொடர்ந்து, கந்திலி வட்டாரம் பெரியகரம் பகுதியில், வேளாண்மை மற்றும் விவசாயிகள் நலத்துறை சார்பில் ரூ.97 லட்சம் மதிப்பீட்டில் அமைக்கப்பட்டுள்ள கொப்பரைத் தேங்காய் உலர்த்தும் மையத்தை மாவட்ட ஆட்சியர் நேரில் பார்வையிட்டு ஆய்வு செய்தார்.

நிகழ்ச்சியில் ஊரக வளர்ச்சி முகமை திட்ட இயக்குநர் தமிழரசி, திருப்பத்தூர் நகர்மன்றத் தலைவர் சங்கீதா வெங்கடேசன், மாவட்ட ஊராட்சிக் குழு உறுப்பினர்கள், பல்வேறு துறை அதிகாரிகள், உள்ளாட்சி பிரதிநிதிகள் மற்றும் பொதுமக்கள் கலந்து கொண்டனர்.