கிருஷ்ணகிரியில் நேருக்கு நேர் மோதிய பைக்குகள் தீப்பிடித்து எரிந்தன – 2 பேர் உடல் கருகி பலி!

கிருஷ்ணகிரியில் பயங்கர விபத்து! நேருக்கு நேர் மோதிய பைக்குகள் தீப்பிடித்து எரிந்தன – 2 பேர் உடல் கருகி பலி!

கிருஷ்ணகிரி மாவட்டம் அக்டோபர் -26.10.2026

கிருஷ்ணகிரி மாவட்டம் மத்தூர் டோல்கேட் அருகே இரண்டு இருசக்கர வாகனங்கள் நேருக்கு நேர் மோதிக்கொண்ட விபத்தில், இரண்டு பேர் உடல் கருகி சம்பவ இடத்திலேயே உயிரிழந்தனர். மற்றொருவர் படுகாயமடைந்து மருத்துவமனையில் சிகிச்சை பெற்று வருகிறார்.மோதிய வேகத்தில் தீப்பிடித்த பைக்குகள்!கிருஷ்ணகிரி – திருவண்ணாமலை சாலையில் இன்று காலை சென்ற இரண்டு இருசக்கர வாகனங்கள் எதிர்பாராதவிதமாக நேருக்கு நேர் மோதிக்கொண்டன. மோதலின் தாக்கத்தில் வாகனங்களில் தீப்பற்றியதாகக் கூறப்படுகிறது. தீ வேகமாகப் பரவியதில் இரண்டு பைக்குகளும் எரிந்து சேதமடைந்தன.இருவர் பரிதாபமாக உயிரிழப்பு! இந்த விபத்தில் வேலு (27), தர்மபுரி மாவட்டத்தைச் சேர்ந்த திருப்பதி (30) ஆகிய இருவர் உயிரிழந்ததாக முதற்கட்ட விசாரணையில் தெரியவந்துள்ளது. படுகாயமடைந்த மற்றொருவர் கிருஷ்ணகிரி அரசு மருத்துவக் கல்லூரி மருத்துவமனையில் சிகிச்சை பெற்று வருகிறார்.சம்பவ இடத்திற்கு விரைந்த மத்தூர் போலீசார், உயிரிழந்தவர்களின் உடல்களை மீட்டு பிரேதப் பரிசோதனைக்காக அனுப்பி வைத்தனர். விபத்துக்கான காரணம் குறித்து தொடர்ந்து விசாரணை நடைபெற்று வருகிறது.

அதிவேகம் உயிரைப் பறிக்கும்!

சாலை விதிகளைப் பின்பற்றுங்கள். பாதுகாப்பாகப் பயணம் செய்யுங்கள்!