திருப்பத்தூர் மாவட்டத்தைச் சேர்ந்த மாணவி யாஷினி ஆசிய பள்ளிகள் செஸ் சாம்பியன்ஷிப் போட்டியில் 2 தங்கம், 2 வெள்ளிப் பதக்கங்கள் வென்று சாதனை!

திருப்பத்தூர் மாவட்டத்தைச் சேர்ந்த மாணவி யாஷினி ஆசிய பள்ளிகள் செஸ் சாம்பியன்ஷிப் போட்டியில் 2 தங்கம், 2 வெள்ளிப் பதக்கங்கள் வென்று சாதனை!

அக்.13- திருப்பத்தூர் மாவட்டத்தைச் சேர்ந்த மாணவி யாஷினி, சர்வதேச அளவிலான ஆசிய பள்ளிகள் செஸ் சாம்பியன்ஷிப் போட்டியில் 2 தங்கப் பதக்கங்களையும், 2 வெள்ளிப் பதக்கங்களையும் வென்று சாதனை படைத்துள்ளார்.

ரஷ்யாவின் துலா நகரில் உள்ள ஷக்தர் பார்க் ஹோட்டலில், கடந்த அக்டோபர் 1-ஆம் தேதி முதல் 11-ஆம் தேதி வரை 20-வது ஆசிய பள்ளிகள் செஸ் சாம்பியன்ஷிப் 2026 போட்டிகள் நடைபெற்றது.

இதில், இந்தியாவின் சார்பில் பங்கேற்ற திருப்பத்தூர் நகரப் பகுதியைச் சேர்ந்த WCM (Woman Candidate Master) பட்டம் பெற்ற மாணவி யாஷினி, சிறப்பாக விளையாடி 2 தங்கப் பதக்கங்களையும், 2 வெள்ளிப் பதக்கங்களையும் வென்று இந்தியாவிற்கும், திருப்பத்தூர் மாவட்டத்திற்கும் பெருமை சேர்த்துள்ளார்.

இதனைத் தொடர்ந்து, திருப்பத்தூர் மாவட்ட ஆட்சியர் அலுவலகக் கூட்டரங்கில், மாணவி யாஷினி மாவட்ட ஆட்சியர் வே. நல்லசிவன் நேரில் சந்தித்து, தான் வென்ற பதக்கங்களைக் காண்பித்து வாழ்த்து பெற்றார்.

அப்போது, மாவட்ட விளையாட்டு மற்றும் இளைஞர் நல அலுவலர் ஜெயகுமாரி உடனிருந்தார்.