திருப்பத்தூர் மாவட்டத்தில் 200 கர்ப்பிணித் தாய்மார்களுக்கு சமுதாய வளைகாப்பு நிகழ்ச்சி – மாவட்ட ஆட்சியர், சட்டமன்ற உறுப்பினர் பங்கேற்பு!
திருப்பத்தூர் மாவட்டத்தில் 200 கர்ப்பிணித் தாய்மார்களுக்கு சமுதாய வளைகாப்பு நிகழ்ச்சி – மாவட்ட ஆட்சியர், சட்டமன்ற உறுப்பினர் பங்கேற்பு!
அக்.16- திருப்பத்தூர் மாவட்டத்தில் சமூக நலன் மற்றும் மகளிர் உரிமைத்துறை, ஒருங்கிணைந்த குழந்தைகள் வளர்ச்சிப் பணிகள் திட்டம் சார்பில், 200 கர்ப்பிணித் தாய்மார்களுக்கு சமுதாய வளைகாப்பு நிகழ்ச்சி நடைபெற்றது.
நிகழ்ச்சிக்கு மாவட்ட ஆட்சியர் வே. நல்லசிவன் மற்றும் திருப்பத்தூர் சட்டமன்ற உறுப்பினர் நா. திருப்பதி ஆகியோர் பங்கேற்று, கர்ப்பிணித் தாய்மார்களுக்கு வளைகாப்பு சீர்வரிசைப் பொருட்களை வழங்கினர்.
தொடர்ந்து, கர்ப்பிணித் தாய்மார்களுக்கு புடவை, வளையல்கள், மஞ்சள், குங்குமம், பழங்கள், மாலை, தேங்காய் உள்ளிட்ட வளைகாப்பு சீர்வரிசைப் பொருட்களும், ஐந்து வகையான உணவுகளும் வழங்கப்பட்டன.
இந்நிகழ்ச்சியில் உள்ளாட்சி பிரதிநிதிகள், ஒருங்கிணைந்த குழந்தைகள் வளர்ச்சித் திட்ட அலுவலர்கள், வட்டார அலுவலர்கள், சுகாதார செவிலியர்கள் மற்றும் துறை சார்ந்த அலுவலர்கள் கலந்து கொண்டனர்.
