திருப்பத்தூர் மாவட்டத்தில் காவல்துறையினர் சிறப்பு நடை ரோந்து – கிராம விழிப்புணர்வுக் குழுக் கூட்டங்கள் மூலம் பொதுமக்களுக்கு விழிப்புணர்வு!

திருப்பத்தூர் மாவட்டத்தில் காவல்துறையினர் சிறப்பு நடை ரோந்து – கிராம விழிப்புணர்வுக் குழுக் கூட்டங்கள் மூலம் பொதுமக்களுக்கு விழிப்புணர்வு!

அக்.22- திருப்பத்தூர் மாவட்ட காவல்துறை சார்பில், திருப்பத்தூர், வாணியம்பாடி மற்றும் ஆம்பூர் உட்கோட்டங்களுக்கு உட்பட்ட பகுதிகளில், குறிப்பாக கல்கோவில் மற்றும் நாட்றம்பள்ளி பகுதிகளில் காவல் அதிகாரிகள் மற்றும் காவலர்கள் சிறப்பு நடை ரோந்து மேற்கொண்டனர்.

மேலும், பொதுமக்களுக்கும் காவல்துறையினருக்கும் இடையிலான நல்லுறவை மேம்படுத்தவும், குற்றத் தடுப்பு மற்றும் சட்டம்-ஒழுங்கு தொடர்பான விழிப்புணர்வை ஏற்படுத்தவும் கிராம விழிப்புணர்வுக் குழுக் கூட்டங்கள் நடத்தப்பட்டது.

கூட்டங்களில் பொதுமக்களின் பாதுகாப்பு, குற்றங்களைத் தடுக்கும் வழிமுறைகள், சந்தேகத்திற்கிடமான நபர்கள் மற்றும் செயல்பாடுகள் குறித்து உடனடியாக காவல்துறைக்குத் தகவல் தெரிவிப்பதன் அவசியம் உள்ளிட்ட பல்வேறு பாதுகாப்பு நடவடிக்கைகள் குறித்து பொதுமக்களுக்கு விழிப்புணர்வு ஏற்படுத்தப்பட்டது.

பொதுமக்களின் பாதுகாப்பை உறுதி செய்யும் வகையில், திருப்பத்தூர் மாவட்ட காவல்துறை தொடர்ந்து கண்காணிப்பு மற்றும் ரோந்துப் பணிகளில் ஈடுபட்டு வருவதாகத் தெரிவிக்கப்பட்டுள்ளது.