விழுப்புரம் மாவட்டம் கோட்டகுப்பம் அடுத்த தந்திராயன்குப்பம் கடற்கரை பகுதியில் கடலோர காவல் துறை சார்பில் கடலில் குளிக்க தடை செய்யும் விதமாக எச்சரிக்கை பலகை வைக்கப்பட்டது.

விழுப்புரம் மாவட்டம் - அக்டோபர்-7

விழுப்புரம் மாவட்டம் கோட்டகுப்பம் அடுத்த தந்திராயன்குப்பம் கடற்கரை பகுதியில்  கடலோர காவல் துறை சார்பில் கடலில் குளிக்க தடை செய்யும் விதமாக எச்சரிக்கை பலகை வைக்கப்பட்டது.

புதுச்சேரி அடுத்த தமிழகப்பகுதியான கோட்டக்குப்பம் தந்தியான்குப்பம், பெரிய முதலியார்சாவடி மற்றும் பொம்மையார்பாளையம் ஆகிய பகுதிகளுக்கு ஏராளமான வெளிநாடு மற்றும் வெளிமாநில சுற்றுலாப்பயணிகள் வருகை அதிகரித்து வருகிறது.
குறிப்பாக விடுமுறை நாட்களில் கடற்கரை பகுதியில் ஏராளமான சுற்றுலாப்பயணிகளின் கூட்டம் காணப்படுகிறது. இங்கு வரும் சுற்றுலாப்பயணிகள், உயிருக்கு அஞ்சாமல் கடலில் இறங்கி உல்லாச குளியலில் ஈடுபடும் போது, ராட்சத அலையில் இழுத்து செல்லப்படுவது தொடர் கதையாக இருந்து வருகிறது.
இதில் பலர் உயிரிழக்கும் சம்பவங்களும் அரங்கேறி வருகிறது. இதனை தடுக்கும் வகையில், புதுக்குப்பம் கடலோர காவல் துறை சார்பில், கோட்டக்குப்பம் அடுத்த தந்திரான்குப்பம், பெரிய முதலியார்சாவடி மற்றும் பொம்மையார்பாளையம் பகுதியில், கடலில் இறங்கி குளிக்க தடை செய்யும் விதமாக எச்சரிக்கை பலகை வைக்கும் நிகழ்வு நடந்தது. கடலோர காவல் இன்ஸ்பெக்டர் அம்பேத்கர் தலைமையில் அப்பகுதியில் எச்சரிக்கை பலகை வைக்கப்பட்டு, அப்போது கடலில் குளிக்க சுற்றுலாப்பயணிகளை அறிவுரை வழங்கி, கடலில் இருந்து வெளியேற்றப்பட்டனர்.