திருப்பத்தூர் மாவட்டத்தில் 20 பயனாளிகளுக்கு 2 கோடியே 21 லட்சம் ரூபாய் வங்கிக் கடன் உதவி – மாவட்ட ஆட்சியர் வழங்கினார்!

திருப்பத்தூர் மாவட்டத்தில் 20 பயனாளிகளுக்கு 2 கோடியே 21 லட்சம் ரூபாய் வங்கிக் கடன் உதவி – மாவட்ட ஆட்சியர் வழங்கினார்!

அக்.29- திருப்பத்தூர் மாவட்ட ஆட்சியர் அலுவலகத்தில், மாவட்ட தொழில் மையம் சார்பில், குறு, சிறு மற்றும் நடுத்தர தொழில் நிறுவனங்களைத் தொடங்குவதற்கான வங்கிக் கடன் வழங்கும் நிகழ்ச்சி நடைபெற்றது.இதில், புதிய தொழில்முனைவோர் மற்றும் தொழில் நிறுவன மேம்பாட்டுத் திட்டம் (NEEDS), வேலைவாய்ப்பற்ற இளைஞர்களுக்கான வேலைவாய்ப்பு உருவாக்கும் திட்டம் (UYEGP), தமிழ்நாடு மகளிர் தொழில்முனைவோர் மேம்பாட்டுத் திட்டம் (TWEES) ஆகிய திட்டங்களின் கீழ், 20 பயனாளிகளுக்கு 2 கோடியே 21 லட்சம் ரூபாய் மதிப்பிலான வங்கிக் கடன் உதவிகளை மாவட்ட ஆட்சியர் வே. நல்லசிவன் வழங்கினார்.

மேலும், மாவட்ட தொழில் மையம் மூலம் செயல்படுத்தப்படும் அரசுத் திட்டங்கள் குறித்தும், அவற்றின் கீழ் பயன்பெறுவதற்கான வழிமுறைகள் குறித்தும் பயனாளிகளுக்கு விளக்கமளிக்கப்பட்டது.

நிகழ்ச்சியில், மாவட்ட தொழில் மையப் பொது மேலாளர், வங்கி அதிகாரிகள், தொழில்முனைவோர் சங்க நிர்வாகிகள் மற்றும் அரசுத் துறை அலுவலர்கள் உள்ளிட்டோர் கலந்து கொண்டனர்.